مرة 2مساطيل قعدين بيحششو قدام نشرة الاخبار فى التليفزيون فنشرة الاخبار طولت فراح الاولانى قال للتانى :هى لية نشرة الاخبار طولت النهارد كدة ؟ فراح التانى رد عليه وقال معلش اصل شكلها كدة النهاردة اخر حلقة .
ــــــــــــــــــــــــــــ
مرة سواق تاكسى قابل واحد مسطول قال لة تاخد كااااام و تودييينى فييييييين .. قالة السواق هات اللى تيجيبة و انزل هنا ..
ــــــــــــــــــــــــــــ
واحد بلديتنا طلع فوق الكوبري وقال يابوي كل دي بلكونة .
ـــــــــــــــــــــــــــ
واحد بلدياتنا ساق العبط دخل فى الحيطه .
ــــــــــــــــــــــــــ
مرة واحد باع اللى وراه واللى قدامه واشترى اللى على جانبه
ـــــــــــــــــــــــــ
مرة واحد توأم شاف اخوه ، قلو انت فين من الصبح يخرب عقلك ، امي خلتني استحما مرتين .
ـــــــــــــــــــــــ
مرة سواق تاكسي داس بنزين موته .
ـــــــــــــــــــــ
كان فى واحد شكله وحش قوى قوى قوى عايز يتجوز فراح و اتقدم لواحده فبيقول لابوها: انا يا عمى و بلا فخر عملت نفسى بنفسى قاله : ما انا برده بقول استحاله تكون خلقة ربنا
ـــــــــــــــــــ
مرة واحد بلدينا نده على بتاع الأنابيب قال له : هات أنبوبه هنا جاله بتاع الأنابيب بالأنبوبة و قاله فين الأنبوبه الفاضية بلدينا قاله لا هشربها هنا .
ـــــــــــــــــــــ
مذيعة قابلت اثنين مساطيل سالت الاول ايه رايك في مصر قالها مصر دي امي سالت التاني وانت ايه رايك قال:مااقدرش اتكلم علي ام صاحبي .
ـــــــــــــــــــــ
واحد ساكن فى الدور الخامس نادى على مراتة وقال ياولية ارمى لى النظارة والمنديل رمتلة النظارة انكسرت قاللها انا هطلع اجيب المنديل
ــــــــــــــــــــــــ
مره واحد بلديتنا عاوز يفسح عروسته في شهر العسل فسحها فى منحل .
ــــــــــــــــــــــ
مره واحد عداه العيب خد الى بعده .
ــــــــــــــــــــــــ
واحد اتجوز واحدة اسمها نعمة باسها وش و دهر .
ــــــــــــــــــــــــ
مرة واحد دماغة لفت قابلها من الشارع التانى .
ـــــــــــــــــــــــــ
مدير مدرسه عمل فرح وزع على المعازيم أرقام جلوس .
ــــــــــــــــــــــــ
فيه واحد شحات راح لواحد عجلاتي قال له أعطني مما أعطاك الله قال
له خدلك لفه .
ــــــــــــــــــــــــــــ
قال مدرس لتلميذ ما معنى جوز هند بالإنجليزى قال التلميذ كوكونت قال
المدرس ضعها فى جملة قال التلميذ كوكونت من الشباك .
ــــــــــــــــــــــــ
واحد بلدياتنا رجع فى كلامه داس اللى وراه .
ــــــــــــــــــــــــ
مدرس جغرافيا جاب لمراته هدية سلسلة جبال .
ـــــــــــــــــــــــــ
واحد بلدينا نزل محطة مصر لقى بتاع الأنابيب بيخبط عليها , قاله إفتحى واحدة ساقعة وحياة أبوك .
ــــــــــــــــــــــ