نكت 2009 جامدة مووووت

يللا نبدأ
_____

اتنين طرش واقفين على محطة الأوتوبيس فدار بينهم هذا الحوار

-الأوتوبيس ده رايح مصر الجديدة ؟؟

-إيه ؟ على الحديدة ؟؟ ليه إنت طالب إحسان ؟؟

-بذرة الكتان ؟تلاقيها عند العطار

-الجزار ! إنت عاوز لحمة ؟؟

-زحمة ؟! معلش أصل ده معاد خروج الموظفين

-نور الدين ؟! معرفوش

-متشربوش ؟؟ ليه كفا الله الشر

-راس البر ! دا مصيف هادى

-المعادى ؟؟ دى ضاحية جميلة

-بليلة !!! إنت جعان

-عيان ؟؟ متروح للدكتور

-حنطور ؟! دى مواصلة جميلة توصلك لحاد الباب

-هباب !@ و أنا إلى كنت فاكرك محترم

-إتخرم ؟؟ هو مين ؟؟

-أسبرين ؟؟ ليه إنت عنك صداع ؟؟

-قراع ؟ دا مرض خطير

-فطير ؟؟ده تقيل على المعدة و تمنه غالى

-خالى ؟؟ إنت تعرفه ؟؟ دا كبير فى السن

-جن ؟!#إنت راكبك عفريت !!!!

-كبريت ؟ عاوز تولع ؟؟

-أتدلع ؟؟؟؟!ليه مفيش حد غيرك أتدلع عليه

فمر بيهم راجل شرطة لقاهم بيتخانقوا فقالهم : واقفين هنا بتعملوا إيه قالولوا : مستنيين الإوتوبيس

فقالهم : يانهاركم إسود . جواسيس ؟؟ طب تعالوا معايا على القسم
******************************************************************************الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها
الغلس : يا كداب هو في الصحرة في عماره
الفشار : اه اسف فضلت اجري اجري لغاية ما لقيت شجره طلعت فوقها
الغلس : قال له يا كداب هو في الصحرة في شجره
الفشار : اه اسف فضلت اجري اجري لغايه ما لقيت جراج دخلت فيه
الغلس : يا كداب هو في جراج في الصحرة
الفشار : فضلت اجري اجري لغاية ما أكلني ارتحت ؟
الغلس : يا كداب هو في اسد في الصحرة
********************************************************************************
واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوي
********************************************************************************
بيقولك مرة واحد قرر يرشح نفسه رئيس الجمهورية، مسكوه بتوع أمن الدولة و قالولوا أنت عبيط ولا ايه،
قالهم هو شرط؟
********************************************************************************
واحد خرج من محطه القطر في الجيزه (قدام مجمع الجيزه) لقى واحد لابس بدله شيك قوي وواقف
محطه الاتوبيس ...... في واحده ست عجوزه جات قالتله : قولي يابني انا عايزه اروح السيده زينب
اركب ايه ؟ ....... الراجل الشيك : إركبي اتوبيس 923
شاب جه سأله : قولي يا استاذ انا عايز اروح لعبد المنعم رياض اركب ايه؟؟
الراجل الشيك : اركب اتوبيس 109
اجا صاحبنا بقى راح يسأله : قوللي يا بيه ... انا عايز اروح لعتريس ابن عمي اركب ايه؟؟؟؟؟؟؟
********************************************************************************
اثنين مساطيل
الاول : ولع الراديو
الثاني : ماعييش كبريت
الاول : ولا ولاعه؟؟؟؟؟؟
********************************************************************************
[size=18فيل اتجوز فرخة خلفوا تشيكن فيليه[/size]
********************************************************************************
مجنون و مجنونة كانو ماشيين جمب بسين فى مستشفى المجانين ...
فالمجنون رمى نفسه فى المياه والمجنونة انقذته (جاه الدكتور تانى يوم
للمجنونة وقال لها عندى ليكى خبر حلو والتانى وحش الاول انتى خفيتى
وهتخرجى من المستشفى ، والتانى صاحبك المجنون شنق نفسه) قالت له لأ ..ده
انا كنت معلقاه عشان ينشف
********************************************************************************
مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لأ
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لأ
قاله: طب اخرس
السواق عمال يجري فواحد تاني
ياعم انت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف
********************************************************************************
واحد ميكانيكي فتح مصنع شيكولاتة سماه كالاكسى
********************************************************************************
محشش بيتصل بالمطافى: إيه يا جماعة؟ إذا ماكانش فى حريقة ماحدش يشوفكوا
********************************************************************************
عملوا جائزة مليون جنيه للي عنده 10 عيال، واحد عنده تسعة قال
لمراته أنا كنت متجوز عليكى ومعايا ولد أروح أجيبه ونكمل العشرة ونكسب
الجايزة، راح ولما رجع ملقاش العيال سأل مراته فين العيال قالتله كل عيل
أبوه جه خده.
********************************************************************************
مرة واحد سافر الكويت لقى الاسامى بوحمد و بو فهد و بو محمد و بو فيراس راح سمى نفسه بوكيمون
********************************************************************************
واتمنى ان تنال اعجابكم ولا تنسوا الردود ارجوكم

نياهااااااااا

نياهاهاهاهااا

بجد بجد جامدين اوى يا قمر مشكوووووووووووره

شكرا علي مسهمتك والنكت الحلوة دي

شكرا ليكي يالولي
وشكرا ليكم علي ردودكم

شكرا ليكوا ياجماعة على الردود
ميررررررررسى