qamareen

هتلاقي كل الي نفسك فية مع ( قمرين )
 
الرئيسيةاليوميةبحـثالتسجيلدخول

شاطر | 
 

 الجزء الرابع من الشعر والخواطر

اذهب الى الأسفل 
كاتب الموضوعرسالة
roro
عضو نشيط
avatar

انثى
عدد الرسائل : 350
العمر : 23
المزاج :
تاريخ التسجيل : 28/12/2008

مُساهمةموضوع: الجزء الرابع من الشعر والخواطر   الأربعاء فبراير 04, 2009 9:59 pm

يمكن تقول ان الرسايل حكي فاضـي
مجـرد كــلام نكتـــبـه ويتــم الإرسـال
لكن أقسم انك معي حاضر وماضــي
تبقى حبيب وصورتك دايم علـى البـال
افــــرح فـالــدنـــيا اذا صــرت راضـــي
غالي علي واللي خلق شمس وظلال
*.*.*
تدري من انـت.؟
انت الرصيد اللي للأيام مذخـور
وانت الذي لاضاق وقتي عزيتك
وتدري من انـا.؟
انا رفيقك في الليالي المعاسير
وإلا الرخـا كلـن يســد بمكــاني
*.*.*
ان غبت ليله تهـل العــين لـك عــبـره،.
و القلب توقــف علــى فرقــاك دقاتــه،.
والعقل يتلف و حالـي ينتهــي صبــره،.
والصدر فـي غيبــتك يا كـثر ضيــقاتــه،.
شفت الوطن يالطيف الروح وش كبـره،.
تضيق فيني بعــد هــجرك مسـاحاتـه،.
*.*.*
ماعنـك الأيام تبعــد قلبـي الـشـافـي.،
ومعزتك فـي حنــايـا الصـدر ملـفوفـه.،
أسري مـع البــدر وأتبــع كـل براقــي.،
ياعل في نوضته مـن لمعتـك شوفــه.،
وأسهر مع النجم وأطلب ربي الواقي.،
يحفظك من شــرور الوقـت واصـدوفه.،
*.*.*
كــــل الخــصــال الطـيـــبه فـيــك..
يعجز عن وصفـها حــبر الأقلامــي..
لاغبت عنـي أشـغل البـال طاريـك..
ويحرم على عيني لذيذ الـمنامــي..
بموازين الغلا احترت ويش أسميك..
لاقلت (...) قالوا عاشت الأسامـي..
--------------------------------------------------------------------------------
انت الذهب مهما عـلا فوقـه غـبـار..
يبقـى مـدى الأيـام سلـعـه ثميـنـه..
ومثل المطر مهما المطر هل مدرار..
لو غاب عام صاحوا الـنــاس ويــنــه..
ومثل البحر غلطان من قــال غــدار..
وموجه يعـالـج كـل عبــره حزيــنـه..
*.*.*
مايموت الـود فــي قلــب الكريـم.،
ولاتـمــوت العاطـفه عنــد الكـرام.،
مثل ضي النـور فـي ليـل العتـيم.،
الصـــداقــه باقيــه مـثل الوشــام.،
تحتويني حكمة الشخص الحكيم.،
كـن بيــنـــه والأدب حــب وغــرام.،
كل طير مثـل جنــسه لــه نديــم.،
ماتخاوى الحر مع طـــير الحمــام.،
*.*.*
ويـنــك.؟
يامن رسـت لـك كـل المحـبه رضايـــف،.
وأرخـيـت لـك حرفـن مـن الغـلا مذبــوح،.
ترى الغلا مب شرط تنطـقه الـشفايــف،.
بس شرط تشعر به لو المسافه سفوح،.
*.*.*
يامن عليه أوله وكل لحظه أشتــاق..
وحرف اسـمـه بيـن روحـي نقشـته..
لاضاق بي الكون وحســيت برهــاق..
انسى التعب لامن طرالـي وذكـرتـه..
والــله ماغــيرك تـرى لـلنفــس لاق..
انت العمر كلــه عشــانـك رخصـتــه..
يا حلم وردي لــك مواثيــق ولـزوم،،
مانفـترق إلا فـــي يـــوم مـماتـي،،
ياشمعــة للقلــب يـاورد مشمـوم،،
يانرجس ويابسمة فــي شفاتــي،،
انـت الغـلا لــك فالقــلب مرســوم،،
فيك الحسن وفيك أحلى الصفاتي،،
--------------------------------------------------------------------------------
("من عيوني") خذ مراسيل الغرام،،
كان تفهم فـي لغــة حــب العيــون،،
معك انا ماقـدر علــى لفــظ الـكلام،،
من غلاك اللي وصـل حـد الجــنون،،
لاتغلــى تـذبـــح العــاشــق حـرام،،
يارفيق العـــمر خلــك لـي حــنون،،
*.*.*
سافرت ناوي أترك الطيف لحظات،.
لقيت طيفـك بالسفــر محتوينــي،.
حاولت أبعد عن خيالـك مسافـات،.
الله حسيبك وين مارحــت فيــني،.
غيرك نسيته ماطرى كــل حـذات،.
إلا انت دايم كل دقيــقه تجيــنـي،.
*.*.*
أحـ ـ ـبـ ـ ـك..
لاتحسـب كلمتــي زلــة لســان..
الغــلا مايحتمـــل شــك ويقــين..
اللسـان بساعـة الشـده حصـان..
والخجل مايبعـده مسـح الجبيـن..
معك ينساب الحكي حب وحنان..
وكــل شــدة باس قـدامـك تليـن..
مابقى للصمت في صدري مكان..
إيه :: أحـبك :: قلتها والـله يعيـن..
*.*.*
هلا وغلا بك لو مـع الحلـم مريــت.،
لو زار طيفك ناظــري يــوم صدفـه.،
يا واحـد فـــوق الأمانـــي تعليــت.،
قـــدرك بقلبـــي يالغالـي تعــرفـه.،
لو لاك فـي دنـيا البشـر ماتهنــيت.،
الناس في كف وغلاك لحاله بكفه.،
*.*.*
ياللي حرمت القلب مبطـي مـن الصــوت،،
لا تــحـــرمــــه هـالحـــيـن رد الرســالــه،،
أيــام عــمري معـــك لحظــات وتـفـــــوت،،
وش تنـتــظـــر لاضـــاع عـمـــري بـدالـــه،،
يعني عشان اسمك علـى القلب منحـوت،،
ماعـــاد تســـأل لــيـه وش هالقطـــاعـــه.؟
--------------------------------------------------------------------------------
غلطانه أمي يوم على الطيب ربتني
تحسب ناسي مثل ناسها طيبين
قالت سامح كل من عليك يخطي
الناس تخطي وهم عن القصد ساهيين
مسكينه أمي من غير قصد ظلمتني
ما درت إن الطيب وحده المسكين
هذا يا يمه واقع زماني
نفس إلي ضحك اليوم ،،بكره يطعن بسكين
>>( البعد أحسن )<<
قلت أبتعد في صمت والهم ينزاح
احسن لنا نبعد بقدر وحشيمة
وارحل ولو بالبعد نسيان الافراح
الغربة أفضل من حياة الظليمة
لا لاتلومون القلب لو صفق اوصاح
قلبٍ غدا مابين همه وظيمه
تعبت من دنياك واليوم برتاح
وان مرتكم ذكراي قولوا قديمه
>>( يا قلب سامحني )<<
يا قلب أنا وياك نار ٍ ودله
من حزنها تشرب وأنا قد تقهويت
أصبر على بلواك والجرح شله
أدري ترى ماجت على ما تمنيت
اعاهدك لهجر عنا الحب كله
ونسى سنين ٍ ماضيه يوم حبيت
وان جا مع الأيام طاريه قله
أني بعيد ٍ عنه من يوم قفيت
>>( انفاس أخيره )<<
ابلفظ انفاسي الاخيره وابرحل
لا مات قلبي عاد لا تنتظر شي
وابدفنه واخفيه في راس هالتل
واعرف مكانه واطمئن مات لو حي
ماعاد ابيه وماابي عنه تسال
اللي جمعني فيك ما عاد له ضي
نوره تلاشى ومات من قبل يكمل
ولامات نورالقلب لاترتجي شي
>>( الذكريات القديمه )<<
قلبي تعب معاد يقوى على جراح
يكفي تحملت الجروح الأليمة
ودك تجدد كل جرح ٍ مضى وراح
ودك تعيد الذكريات القديمة
لا ماتحمل تجرح القلب ياصاح
أقول يمكن في فراقي غنيمة
يمكن بعد فرقاي تسعد وترتاح
دام الهوى ماعاد له أي قيمة
>>( دعاء )<<
اللهم ما أعطيتني مما
أحب فاجعلة قوة لي
على ما تحب وما زويت
عني مما احب فاجعله
فراغا لي فيما تحب
اللهم أعطني ما أحب
واجعلة خيرا واصرف
عني ما أكره وحبب إلي
طاعتك وكره إلي
معصيتك
يلي حرمت القلب
مبطي من الصوت
لا تحرمه الحين
رد الرساله
أيام عمري معك
لحظات وتفوت
وش تنتظر لا ضاع
عمري بداله
يعني عشان اسمك
على القلب منحوت
ما عاد تسأل صاحبك
كيف حاله ؟
الناس في بسمة المجروح منخدعه !!
كم بسمه من وراها النار بأنفاسي ؟؟
بعض المواجع لها ما تنفع الفزعه !!
وبعض المواجع وجعها من وجع ناسي !!
عودت نفسي على الصدمات و الفجعه !!
ولو دست جمر الزمن ما ينحني رأسي !!!
داري بالجرح جرحي ما خفاكـ ..
تدري أن الحل والله في يديكـ ..
لا تعاتب و الخطأ كله خطاكـ ..
بعت منهو في حياته مشتريكـ ؟؟
أبتعد لو كان قلبي ما نساكـ !!
قلتها مجبور :
أبتعــــد ما أبيــــكـ !!!
رحت لجل أرضيك من دون تجريح !!
ما ودي أجرح غالي قد هويته !!
كنت الحياة الوافية والتباريح !!
وأصبحت جرح واضحًا ما خفيته !!!!
وش حيلـــة اللـــي هـــام
فــي حــــــب مخلـــــــوووق ؟؟
فرقــــــــــــااااااااااهـ مــــــــــــوت !!
وكسبــــه استحالــــة !!!!
الله أعلم ليه خانتنا الظروف ؟؟
ماهقيت الليل ما يوفي الوعد !!
ماتت الفرحة وأنا بعيني أشوف !!
حارت أقدامي وقلبي جلد !!!!
ما شفت بالدنيا على مر الأوقات
كثر العذاب اللي بها محتويني !!
الموج يلطم والعواصف شديدات
ولا بقى شيء تطوله يديني !!!!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الجزء الرابع من الشعر والخواطر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
qamareen :: المنتديات الادبية :: الشعر والخواطر-
انتقل الى: