qamareen

هتلاقي كل الي نفسك فية مع ( قمرين )
 
الرئيسيةاليوميةبحـثالتسجيلدخول

شاطر | 
 

 الجزء السادس

اذهب الى الأسفل 
كاتب الموضوعرسالة
roro
عضو نشيط
avatar

انثى
عدد الرسائل : 350
العمر : 22
المزاج :
تاريخ التسجيل : 28/12/2008

مُساهمةموضوع: الجزء السادس   الأربعاء فبراير 04, 2009 10:03 pm

الدنيا
رحلة
طويلة
نبتعد
نلتقي
بقدر
و أسباب
لكن
المهم
نبقى
بالوفا
أحبااب!!
يقولون إني طماع !
و أنا و الله ما طلبت إلا أكون
عين كل منهو يشوفك بعينه
أكون ذاك الهوى بجوفك
أكون دمك في وريدك
أكون عندك و قبلك و بعدك و حولك
و ياليت لو تسمح أكون في حلمك و علمك
عاد بذمتك أنا طماع ؟!!
أوعدك ما دمت حي أحفظ وجودك في حياتي
و إن رحل بي الموت تبقى لأجلك ذكرياتي
--------------------------------------------------------------------------------
لا عشت يومي اذا مر يوم
و ما شفتك
أحفظ أسامي بعقلي و اسمك
بدمي
غمضت عيني لانك فيها
تضمني
أهتف لقلبي و أنا من قلب
هاتفك
لو قلت أحبـــك بعيني
يلومني فمي
..........................
أحـــس بضيـــق في صدري .. ولكن!!
يروح الضيـــق ..لو شفتك دقيـــقه ..
أحـس الضيــــق في كل الأمـــاكن ..
ولـــكن عندكم ما أحس .. ضيـــقه
.......................
ياصاحبي مايوفي الحرف لو قلت ..
"معزتك" مضمونها في ثبــاتي ..
راجع حساباتك بلحظه سكوتك
وخذها نصيحه جعل ربي يعافيك
ما فيه اجمل من صديق يصونك
ولا فيه اقسى من قريب يعاديك
واكبر خطا نسيان من يذكرونك
واعظم وفا ذكر شخص متناسيك
واكبر قهر لا صار ناس يبونك
وانت تبيهم بس حظك لعب فيك
..........................
أجمل غلا وأجمل محبه تمسيك..
يذوب معـها خافقـي فيـك كلــك..
كل المشاعـر يالغـلا ذايـبه فـيك..
آمـر تـدلـل ماتـبـي فــدوتـن لـك..
لـبـيـك ثم لـبـيـك لـبـيـك لـبـيـك..
ياللـي غـلاك للمشـاعـر تمـلّـك..
..................
بكل بساطة
تقولها بكلمتين
إنسي الي بينا وفارقي
أرد عليك بسطرين
أنـــــــــــــــــا
لو أنسى إسمي
ما أنساك
ولو أنسى عمري
اللي بينا ما أنساه
ولو تغير الكون
حبي لك ما يتغير
وإن إنت قدرت تبتعد وتنسى
أنـــــــــــــــــا
يا الغالي بعيش عمري الباقي
على ذكراك
........................
لعيونك
الغالي يرخصلك
وقلبي
أغلى ما عندي
حطيته
بين إيديك ينبضلك
وإنت
يا تشيله بعيونك
وتصونه
يا ترميه لغيرك
يبيعه
--------------------------------------------------------------------------------
إحتار أمري فيك
واحترت من أي صوب أجيك
إن قربت
تبتعد يالحبيب
وإن بعدت
تزعل وتغيب
قولي ويش يرضيك
ووعد مني أكون
الحبيب الحنون
وفيني ظنك ما يخيب
..................
ليه الجفا والبعاد؟؟؟
في بعدك
ألامي
مين يداويها؟؟؟
وجروحي
مين يشفيها؟؟؟
وأحاسيسي
مين بالحب يرويها؟؟؟
وعيوني
مين من السهر يحميها؟؟؟
................................
عســـى الردى يــا
"كــاسب الطيــب" .. يفــداك ..
مــاهو كفــو يفــداك ..
:: يفـــدا رجــولك ::
انت الــذي في روس الأشـــراف مبــداك ..
والا .. الردى ..
مهمــا تعــب ما يطــولك ..
مــدت يمينـــه ما تســاوي عنــد يســراك ..
و أغلـــى ثيـــابه ..
ما تســاوي " نعــــولك " ..
--------------------------------------------------------------------------------
يا صاحبـــي مابــــي حياـــة بليـــاك
ولــولا وجــودك ما بغيـــــت الحيــاتي
أنت الحبيب اللي مشى القلب برضاك
وانتـه طبيب القلــب وانتــه غناتـــي
القلب عيا يا أريش العين ينســــــــاك
وأذكرك لو إنـــي بوقــــــت الصلاتــي
سامحوني لو رحل جسمي وغاب
سامحوني حتى في القبر استريح
في حياتي مالقيت إلا العــذاب
عايش باحزان ومن همي طريح
سامحوني ظنكم فيني سراب
حظي لا شلته غصب عني يطيح
والوصيه لا دفنتوه في التراب
خلوا الغالي على قبري يصيح
طال البعاد ولوع القلب فرقاك
ومن غيبتك صاب المولع مضـره
أسهر طوال الليل وأعيد ذكراك
وأرجع الماضي وبالقلب حــــره
يذكر زمان فات بالخير ويـــاك
الله يعيده لو بالأيــام مـــره
شـي غريب ..
انــك احســاس و معـانــي ..
غير كل النـاس ..
غيرهـم حتـى بزمـاني ..
كلك عطـا ..
و قلبــي كبيــر ..
حتـى في صدقــك أميـــر ..
أوصفــك كنــي بخيــل ..
لأنــه مالك مثيــل ..
هــذا احسـاسـي كتبتـه:
<< نقطــه في بحــر غزيــر >>
--------------------------------------------------------------------------------
يا عيـون الكـون ..
لا تضـايقـت قلي ..
عشـان أحس بضيقتــك .. و اتضـايق ..
يكفــي تلمـح لي و أنا أجيـك كلـي ..
أضيــــــق من شانك ولو كنت رايق ..
حنـا اتفقنـا نشكـي لبعض ياللي ..
تخفــي وري ضحكـة عيـونـك حقــــــايق ..
يعود لخاطري طيفك
و يهل الدمــع من عيني
على جلسة جلسناها
و على ضحكه ضحكناها
و على اليامنا الحلوه
غدت ذكرى تبكينا
و بنفس الوقت تروينــا
سقــــى الله وقت جمعنــا ..
و عســى الله لا يفرقنـــا ..
تعبنا نرسـم البسمه ولو فينا حزن وهموم
و نضحك ضحكة التزييف و نكتم همنا فينا
شكينا الهم و الحرمان لكن القـدر مقسـوم
نصيح .. نحترق .. تنعب .. و لكـن وش بأيادينـا
صبرنا و الشقـا واضح بوجيهنا مرسـوم
و هالدنيـا من اللوعـــــــات
<< نستنـــا أسامينــا >>
والله اني كنت الـــوم اللي
(يضيــق ان غاب خلــه)
ليـــــن جربت المحبـه و الفــراق و قلــت توبــه ..
لعنبــو جد المفارق فيه هــم و فيــه ذلـــه ..
أثــر كل الحب لــذه .. و الفراق أكبــر عيوبــه ..
ما عادت أيام العمــر مثـل ما هــي ..
ما عــادوا أحبابي مثل أول أحبـاب ..
ما عاد يلفت في الزحــام انتباهــي ..
لا نظــرة عيون ولا كلمــة اعجـــاب ..
أصــــرخ .. و صــرخـاتــي مداهـــا شفــاهـــي ..
و أبكــي .. و دمعـــي على حــد الاهـــداب ..
--------------------------------------------------------------------------------
يكفينــي منــك بسمتــك ..
و أغلــى الهدايـــا ضحكتــك ..
مــابي كثيــر ..
حلمــي أنــا مـاهــو كبيــر ..
البسمـــه تكفينــي شعــــور ..
و الضحكــه ترضينــي غــرور ..
مابيــك تهدينــي .. عمــر ..
و مابيــك تغرينــي .. بقمــر ..
يكفينــي "مكانتــي" بدنيتــك ..
مرتــــــــاح لو كنت الأخيــر ..
..............................
من يقــول أنســاك في يــوم و تهــــون ..
من يقــول أنســاك يا عمـــري كـــــذبــ ..
في حيــاتــي غير حبــك ما يكــون ..
مسكنــك ما بين جفنــي و الهــــدبــ ..
لو يطــول البعــد قلبـــي ما يخــــون ..
انتظـــر لقيـــاك وأشواقــــي لهـــــبــ ..
...........................
يا صاحبي ..
لا مــرك الشــوق و أشتقــت ..
اذكــر ..
تــرى صـاحبــــك ميت بشــوقه ..
وده..
يسـابق سيــر الأيــام و الوقــت ..
و يحضـــن غــلاك ..
و يــزرعـــه في عـــروقه ..
............................
أكـــذب عليــك ان قلت
(بعــدك)
شي عادي ..
أضحـــك .. و أنـــا من جــور الأيـــام مجـــروح ..
جرح توســط في حنــايا فــؤادي ..
و ليت الجروح ضيوف يومين و تروح ..
بعثر ورقنــا هالزمـــان الرمـــادي ..
و أصعــــب
شــي
على
الانســان
(( غيبــــة الروح ))
--------------------------------------------------------------------------------
أخجلـــت شمس المحبـه من هـــواك ..
و القمــر .. من كـامل أوصافك خجــول ..
أطلــب عيــوني و أنــا كلي فــداك ..
و أعتبــر ما تطلبـــه عنـــدك وصــول ..
لو يغــار الورد الأحمـــر من شـــذاك ..
من يلومـــه .. لو تهـــادي للذبـول ..
ما سكــن بالقلــب و عروقي ســواك ..
يا ربيــــــع القلب .. و يا كـل الفصــول ..
............................
(( مـن طلب الغــلا .. سهـــر الليــالي .. ))
ياهــو مثل بيـن الحبايب ..
و اللي يرد الـ (غين) (عين) ..
أكيــــــــــــد
غـــــــــــــايب
ما حضـــر درس الحنين
و ما فهم ملـح السنين
ما حفظ بوس اليدين
و كيف الغرام ســوى العجايب ..؟
و كيف المــلام شرهـــة حبايب ..؟
و كيـف الكــلام مـــذنب و تــايب ..؟
............................
ان ضــاق بك وقتــك
فأنــا كل الأحبــاب
و ان جيتنــي بالهــم ..
والله لأشيلــه ..
ان قلت أحبــك ..
فلانيب كــذاب ..
وان قلت أنــا ناسيــك ..
أكبــر رذيلــه ..
لا حـــدنــي وقتــي على غيــر ما طاب ..
أذكـــر .. وراي انســان يســـوى قبيــــــــله ..
........................
أعتــــرف لك .. ما بقـــى لك ..
لا غـــرام ..
ولا حنـــان ..
ولا بقـــى بعينــي دمـــوع ..
ولا بقـــى بعينـــي غـــلا ..
حتـــى كلمـــة
<حبيبــــي>
ما لهـــا بعمـــري مكـــان ..
وكل جرح في حيــاتـي ..
قـال للفرقــا ..
هـــــــــلا ..
--------------------------------------------------------------------------------
أبي أرحل لعالم ثاني..
أنسى فيه كل زماني..
وأوعدك إذا رحلت
راح أقسي قلبي وأسجنه..
لكن مع هذا وذاك..
أعرفه قلبي ماراح ينساك..
باقي على ذكراك؟؟
لو هجرته .. لو طعنته .. لو ذبحته ..
بيظل يهواك ويهواك..
الين تدفنـــه ..
(( بيمنــــــاك))..!
في غربة المشتاق تزداد الأشواق
أزود من أشواق الشقيق لشقيقه
والقلب يصبح من عنا البعد خفاق
وتزداد دقاته بزود الدقيقه
ودقات قلبي ظنتي دقها فاق
مليون دقه بين الثانيه والدقيقه
تعال لحف عيوني
بليل عشت به لحظات ..
تعال سمعني سواليفك وهمساتك ..
تراك اللي تسافر بي عن أحزاني والآهات ..
تراك اللي تبعثرني وأنا اللي جامع اشتاتك ..
جدار الصمت يقتلني
ابيك تجدد الضحكات ..
تراك الوحيد اللي تزيل الهم ضحكاتك ..
في غيبتك تساقطت خضر الأوراق
ماقاومت غيبتك جرة عنادي ..!
ماكل من يبعد له القلب مشــــتاق
ولاكل من عود له القلب شـــادي..
إلا أنت في الثنتين محرقني إحـــراق..
إن غبت زاد الشوووووق
وإن جيت زااااادي
--------------------------------------------------------------------------------
رجيت الموت ياخذني من دنيا حلاها أمرار
عصاني الموت وتعذر يقول العمر لك زاهي
الا ياموت انا عايش .. الاياموت انا بالنار ..
أقاسي واقعي كذبه:
((هموم وافراق واحزان))
اعترف اني أخطيت ودفعت ثمن اخطائي
وماحسبت حساب لجراحك وآهاتي
ولو ادري ان خطاي بتقلل بقلبك غلاتي
ماسويتها وهذاني احلف بالله غافر زلاتي
اذا كان نسيانك لاخطائي مقرون بمماتي
عسى ربي ياخذني اليوم قبل يومي التالي
صدقني أحبك لو كنت نساي..
وأموت في حبك ولو ماتبيني ..
خذ وقتي الحاضر وخذ وقتي الجاي..
وأن مامداك تحبني خذ سنيني..
أن جيت ابشكي حالتي أنت مشكاي..
وأن جيت أكرر نظرتي
فأنت عيني..
ان كان تعذيبي يسرك ويرضيك
عطني عذاب واخذ بداله سعاده
اهجر على كيفك وزد تحديك
وانا بدال الهجر احبك زياده
لك مني ابكي كل ماحل طاريك
لين البكا يصبح مع الوقت عاده
مهما حصل يازين ماني بناسيك
--------------------------------------------------------------------------------
__________________
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الجزء السادس
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
qamareen :: المنتديات الادبية :: الشعر والخواطر-
انتقل الى: